मुंबईच्या कांदिवली पश्चिम परिसरातील WINS रुग्णालयामध्ये आग लागली आहे. या घटनेत चार जण जखमी झाले असून त्यांना तातडीने बोरिवलीच्या न्यू विन्स रुग्णालयात दाखल करण्यात आले आहे. दरम्यान तेथील परिस्थिती आटोक्यात आणली असून आगही विझवण्यात आल्याचे महापालिकेच्या अधिकाऱ्यांनी सांगितले.

Fire broke out in WINS hospital in Kandivali west area of Mumbai. Four people were injured and admitted to hospital. Fire was extinguished soon after: BMC

— ANI (@ANI) April 27, 2024

WINS रुग्णालयाला शविवारी दुपारी पावणे दोनच्या दरम्यान आग लागली होती. ही आग रुग्णालयाच्या मागील भागात असलेल्या सेंट्रल एअर कंडिशनिंग युनिटच्या इलेक्ट्रिकल वायरिंग, इलेक्ट्रिकल इंस्टॉलेशन आणि कॉम्प्रेसरपर्यंत पसरली होती. घटनेची माहिती मिळाताच , 108 रुग्णवाहिका सेवा, अग्निशामक दलाच्या गाड्या आणि पोलिसांचा ताफा तातडीने घटनास्थळी पोहोचले. त्यामळे दुपारी दोनच्या दरम्यान आगीवर नियंत्रण मिळवण्यात आले.

न्यू विन्स रुग्णालयाच्या डॉ. तृप्ती यांनी या घटनेत चार जण जखमी झाल्याची माहिती दिली. नील (35), राजदेव (35), नरेंद्र मुर्या (45), स्वाधीन मुखी (56) यांना तातडीने रुग्णालयात दाखल करण्यात आले. मात्र आगीचे कारण अद्याप स्पष्ट झालेले नाही.