इंडिया आघाडीचा विजय असो…शिवसेना जिंदाबाद…उद्धव ठाकरे तुम आगे बढो हम तुम्हारे साथ है…विनायक राऊत तुम आगे बढ़ो हम तुम्हारे साथ है अशा घोषणा देत आज सायंकाळी रत्नागिरी शहरातून इंडिया आघाडीची मशाल रॅली निघाली.

जयस्तंभ येथून मशाल रॅलीला प्रारंभ झाला.अंगावर रोमांच उमटवणाऱ्या मशाल गीतावर हि रॅली पुढे सरसावली.शिवसेना उध्दव बाळासाहेब ठाकरे,राष्ट्रवादी कॉंग्रेस शरदचंद्र पवार,कॉंग्रेस आणि आप या सर्व पक्षांची मज़बूत वज्रमूठ या रॅलीत पहायला मिळाली.शिवसेना सचिव वरूण सरदेसाई यांच्या नेतृत्वाखाली ही मशाल रॅली काढण्यात आली.

यावेळी शिवसेना (उद्धव बाळासाहेब ठाकरे) पक्षाचे जिल्हाप्रमुख विलास चाळके, उपजिल्हाप्रमुख संजय साळवी, तालुकाप्रमुख प्रदीप साळवी, क्षेत्रप्रमुख प्रमोद शेरे, शहरप्रमुख प्रशांत सांळुखे राष्ट्रवादी कॉंग्रेस शरदचंद्र पवार पक्षाचे प्रदेश सचिव बशीर मुर्तुझा, तालुकाध्यक्ष राजन सुर्वे, जिल्हा उपाध्यक्ष मिलिंद कीर, शहराध्यक्ष नीलेश भोसले, नौसीन काझी, काँग्रेसचे दिपक राऊत, ॲड अश्विनी आगाशे, महिला उपजिल्हासंघटक ममता जोशी, तालुका संघटक साक्षी रावणंग, शहर संघटक मनिषा बामणे, दुर्गेश साळवी, रूची राऊत, प्रसाद सावंत, साजिद पावसकर, रशिदा गोदड व इतर पदाधिकारी सहभागी झाले होते.