मंडलिकांवर फौजदारी गुन्हा दाखल करा; महाडिक यांच्या विरोधातही निवडणूक आयोगाकडे तक्रार दाखल
मिंधेंच्या नकली सेनेकडून छत्रपतींच्या गादीचा घोर अपमान झाला. याचे तीव्र पडसाद कोल्हापुरात उमटत असतानाच, आता भाजपचे राज्यसभा खासदार धनंजय महाडिक यांनी मतदारांना आमिष दाखवल्याचे उघडकीस आले आहे. श्रीमंत शाहू महाराज छत्रपती यांचा अवमान केल्याप्रकरणी मिंधे गटाचे उमेदवार संजय मंडलिकांवर फौजदारी गुन्हा दाखल करा.मतदारांना पाच कोटींचे आमिष दाखविणाऱया महाडिकांवरही कारवाई करा, अशी मागणी करणारी तक्रार निवडणूक आयोगाकडे दाखल करण्यात आली आहे.
महाविकास आघाडीचे उमेदवार श्रीमंत शाहू महाराज छत्रपती यांच्या विरोधात केलेल्या अवमानकारक वक्तव्याबद्दल संजय मंडलिक यांच्यावर फौजदारी गुन्हा दाखल करावा, अशी मागणी भाकपचे शहर सचिव रघुनाथ विष्णू कांबळे यांनी कोल्हापूर लोकसभा मतदारसंघाच्या निवडणूक अधिकाऱयांकडे केली आहे. भाजपचे राज्यसभेचे खासदार धनंजय महाडिक यांच्याविरोधात शिवसेना (उद्धव बाळासाहेब ठाकरे) पक्षाचे शहरप्रमुख सुनील मोदी यांनी मतदारांना आमिष दाखविल्याबाबत तक्रार दिली आहे.
About The Author
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
Comment List