‘तेजस’ विमानांना विलंब… एचएएलवर विश्वास उरला नाही; हवाई दलाचे प्रमुख भडकले

हिंदुस्थानच्या हवाई दलाचे प्रमुख एअर चीफ मार्शल ए. पी. सिंह यांनी लढाऊ विमानांच्या पुरवठ्याबाबत चिंता व्यक्त केली. याप्रकरणी हिंदुस्तान एरोनॉटिकल लिमिटेडवर (एचएएल) विश्वास नसल्याचे वक्तव्य केले.

बंगळुरू एअर शो दरम्यान एपी सिंग यांनी हवाई दलाच्या अधिकार्‍यांशी बोलताना तेजसच्या वितरणाबद्दल नाराजी व्यक्त केली. हवाई दलाला अद्याप लढाऊ विमाने मिळालेली नाहीत. यासंदर्भात हिंदुस्तान एरोनॉटिकल लिमिटेडकडून ‘होईल, मिळेल’ असे उत्तर नेहमी मिळते. एचएएल ही आपली स्वतःची कंपनी आहे. आम्ही तिथे काम केले आहे. मला असे वाटतंय की आम्ही मिशन मोडमध्ये नाही. सर्वांनी आपली जबाबदारी समजून घेतली पाहिजे. ही गोष्ट गांभीर्याने घेतली पाहिजे.

व्यवस्थेत बदलाची गरज
हवाई दलाचे प्रमुख एअर चीफ मार्शल ए. पी. सिंह म्हणाले, फेब्रुवारी महिन्यात 11 तेजस विमानांच्या डिलिवरीचे वचन देण्यात आले होते. मात्र आतापर्यंत विमाने मिळालेली नाहीत. भविष्यात अशा घटना घडू नये म्हणून व्यवस्थेत बदल करण्याची गरज आहे. खूप गडबड आहे. जर एक बोट दाखवलं तर तीन बोटं आपल्याकडे असतात.

एचएएलचा खुलासा
एचएएलचे अध्यक्ष आणि व्यवस्थापकीय संचालक डीके सुनील यांनी विमानांच्या डिलिव्हरीला तांत्रिकी समस्येमुळे विलंब होत असल्याचा खुलासा बुधवारी केला. लवकरच हवाई दलाला तेजस देण्यास सुरुवात करू, असेही त्यांनी म्हटले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.