लाडक्या बहिणींमुळे बळीराजाला फटका, ठिबक सिंचनचं अनुदान थकलं

लाडकी बहीण योजनेमुळे राज्यातील शेतकऱ्यांना मोठा फटका बसल्याची बातमी समोर आली आहे. ‘साम टीव्ही’ने दिलेल्या वृत्तानुसार, लाडकी बहीण योजनेमुळे राज्याची तिजोरी खिळखिळी झाली आहे. मराठवाड्यात शेतकऱ्यांना मिळणारं ठिबक सिंचन अनुदान थकवलं गेलं आहे. निधी नसल्यामुळे शेतकऱ्यांना पैसे कुठून द्यायचे, असा प्रश्न कृषी विभागासमोर उभा ठाकला आहे. .

एकट्या छत्रपती संभाजीनगर जिल्ह्याच्या शेतकऱ्यांचं 5 कोटी 60 लाखांचं अनुदान थकलं आहे. यामुळे अनेक शेतकरी स्वतःच्या पदरचे खर्च करून ठिबक घेत आहेत. मात्र त्या शेतकऱ्यांच्या खात्यातही अनुदान जमा झालेलं नाही. विधानसभा निवडणूकीपूर्वी लाडकी बहीण योजनेसाठी मोठ्या प्रमाणात निधी वापरला गेला, असं बोललं जात आहे. यातच आता लाडकी बहीण योजनेचा फटका इतर सरकारी योजनेलाही बसू शकतो, असं बोललं जात आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.