मुंबईत जीबीएसमुळे पहिला मृत्यू, वडाळ्यातील रहिवाशाचा नायर रुग्णालयात मृत्यू
पुण्यापाठोपाठ मुंबईतही गुइलेन बॅरी सिंड्रोम(जीबीएस)ने शिरकाव केला आहे. नायर रुग्णालयात या व्हायरसचा पहिला बळी गेला आहे. वडाळा येथील 53 वर्षीय रुग्णाचा उपचारादरम्यान मृत्यू झाला. जीबीएसमुळे मुंबईकरांच्या चिंतेत वाढ झाली आहे.
मयत रुग्ण वडाळा येथील रहिवासी असून पालिकेच्या बीएन देसाई रुग्णालयात वॉर्डबॉय म्हणून कार्यरत होता. गेल्या अनेक दिवसांपासून हा रुग्ण आजारी होता. नायर रुग्णालयात त्याच्यावर उपचार सुरू होते. मात्र उपचारादरम्यान त्याचा मृत्यू झाला, अशी माहिती नायर रुग्णालयाचे अधिष्ठाता डॉ. शैलेश मोहिते यांनी सांगितले.
दरम्यान, पालघरमधील दहावीच्या विद्यार्थिनीलाही जीबीएसची लागण झाली आहे. मुलीला उपचारासाठी नायर रुग्णालयात दाखल करण्यात आले असून तिची प्रकृती आता स्थिर आहे, असे डॉक्टरांनी नमूद केले.
About The Author

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
Comment List