'बिग बॉस मराठी'चा पाचवा सिझन अंतिम टप्प्यात पोहोचला आहे. गेल्या आठवड्यात बिग बॉसच्या घरातून अरबाज पटेल बाहेर पडला. 'बिग बॉस मराठी'च्या घरात पहिल्या दिवसापासून निक्की तांबोळी आणि अरबाज पटेल एकत्र गेम खेळत आहेत.
अरबाज आणि निक्कीच्या जोडीने 'बिग बॉस मराठी'चं घर चांगलंच गाजवलं. दोघांच्या रोमँटिक अंदाजानेदेखील प्रेक्षकांना खिळवून ठेवलं. अशातच आता 'बिग बॉस मराठी'च्या घरात निक्कीच्या आईने अरबाजबद्दल मोठा खुलासा केला आहे.
'बिग बॉस मराठी'च्या घरात सध्या फॅमिली वीक पार पडत आहे. सर्व सदस्यांच्ये कुटुंबीय घरात येत आहेत. आजच्या भागात निक्कीची आई बिग बॉस मराठीच्या घरात आलेली पाहायला मिळेल.
सोशल मीडियावर या एपिसोडचा प्रोमो पोस्ट करण्यात आला आहे. या प्रोमोमध्ये निक्कीची आई तिला सांगते, "अरबाज चुकीचा चाललाय. त्याने असं करायला पाहिजे नव्हतं. त्याचा साखरपुडा झालेला आहे असं म्हणतात."
अरबाजबद्दलचा हा मोठा खुलासा ऐकल्यानंतर निक्कीला मोठा धक्का बसतो. निक्की पुढे म्हणते, "अरबाज जर आला तर मी खचून जाईन. अरबाज-निक्की जे होतं ते आता संपलं आहे. अरबाजचे कपडे फेकून द्या."
About The Author
Comment List