नगर-शहराचे ग्रामदैवत श्री विशाल गणेश मंदिर येथे गणेशोत्सवानिमित्त सामुहिक अथर्वशीर्ष पठण व महाआरती करण्यात आली. यावेळी व्यासपीठावर विणा दिघे, अमृता बेडेकर, निनाद ढोरे, ज्योती विधाते, प्रज्ञा मुनोत, सई भुजबळ, शरयु लोंढे, स्नेहन धर्माधिकारी, रोहिणी थोरात आदिंनी अथर्वशीर्ष पठणास प्रारंभ केला. यावेळी रेखा झंवर व त्यांच्या सहकारी महिलांनी शंखनाद केला.
या अथर्वशीर्ष मध्ये असंख्य महिला सहभागी झाल्या होत्या. पारंपारिक वेशभुषा, एक ताल-सुरात अथर्वशीर्षने परिसर दुमदुमून गेला होता. यावेळी देवस्थान ट्रस्टच्यावतीने प्रातिनिधीक स्वरुपात महिलांचा सन्मान केला, त्यानंतर महाआरती करुन प्रसाद वाटपाने सांगता झाली.
या अथर्वशीर्ष साठी नितीन पुंड, आण्णा चौधरी, गणेश आंबेकर, राजू जग्गी, राजेश एकाडे, गणेश पालवे, वैभव जगताप, सुधीर सुळ, प्रणित अनमल, सुहास दुर्गे, विनायक कानडे, बाळासाहेब व्यापारी, किशोर सुडके, मिलिंद कानडे, संदिप फुलसौंदर, संदिप बेरड, प्रदिप झोडगे आदिंनी सहकार्य केले. याप्रसंगी देवस्थानचे अध्यक्ष अ‍ॅड.अभय आगरकर, उपाध्यक्ष पंडितराव खरपुडे, सचिव अशोकराव कानडे, विश्‍वस्त पांडूरंग नन्नवरे, विजय कोथिंबीरे, रंगनाथ फुलसौंदर, चंद्रकांत फुलारी, गजानन ससाणे, माणिकराव विधाते, संजय चाफे, नितिन पुंड आदिंसह पुजारी संगमनाथ महाराज उपस्थित होते. कार्यक्रमाचे सुत्रसंचालन विना दिघे यांनी केले. तर आभार अ‍ॅड.अभय आगरकर यांनी मानले. तसेच या कार्यक्रमास तबल्याची साथसंगत विकास साबळे यांनी दिली. तर साऊंड सिस्टीमची व्यवस्था रोहन ढोरे यांनी केली.
Comment List