राज्यातील महायुती सरकार आणि भाजप फेक नरेटिव्ह परसवण्याचा प्रयत्न करत आहे, असा हल्ला काँग्रेसने महायुती सरकार आणि भाजपवर चढवला आहे. मुख्यमंत्री आणि उपमुख्यमंत्री जनतेत फेक नरेटिव्ह पसरवत आहे, असा आरोप काँग्रेसचे प्रदेशाध्यक्ष नाना पटोले आणि काँग्रेस विधिमंडळ पक्षाचे नेते बाळासाहेब थोरात यांनी केला आहे. कर्नाटकातील एका घटनेचे फोटो ट्विट करत जनतेत फेक नरेटिव्ह पसरवण्यात येत आहे. याबाबत काँग्रेसने महायुती आणि भाजपवर हल्ला चढवला आहे.
मुख्यमंत्री आणि उपमुख्यमंत्री देवेंद्र फडणवीस कर्नाटकातील एका घटनेबाबत खोटी माहिती पसरवून सणासुदीच्या काळात राज्यात धार्मिक तेढ निर्माण करण्याचा प्रयत्न होत असल्याचे पटोले यांनी सांगितले. याबाबत केलेल्या ट्विटमध्ये पटोले यांनी म्हटले आहे की, राज्याचे मुख्यमंत्री आणि उपमुख्यमंत्री देवेंद्र फडणवीस कर्नाटकातील एका घटनेबद्दल खोटी माहिती पसरवून सणासुदीच्या काळात राज्यात धार्मिक तेढ निर्माण करण्याचा प्रयत्न करत आहेत. भाजप आणि महायुती फेक नॅरेटिव्ह बनवण्याचा प्रयत्न करत आहे. अगोदर राहुलजी गांधी यांच्याबद्दल स्वतःच फेक न्यूज पसरवून आंदोलन करत होते. आता कर्नाटकातील एका घटनेबद्दल खोटी माहिती देऊन फेक न्यूज पसरवून राज्यात धार्मिक तेढ निर्माण करण्याचा प्रयत्न करत आहेत. पण राज्यातील सुज्ञ जनता यांचा डाव यशस्वी होऊ देणार नाही. जनतेला यांचा खरा चेहरा माहित आहे.
या बाबत बाळासाहेब थोरात यांनीही टिव्ट करत महायुती आणि भाजपवर हल्लाबोल केला. राज्याचे मुख्यमंत्री आणि उपमुख्यमंत्री फेक न्यूजची फॅक्टरी चालवत आहेत का, असा संतप्त सवाल थोरात यांनी केला. याबाबत केलेल्या ट्विटमध्ये थोरात यांनी म्हटले आहे की, राज्याचे मुख्यमंत्री आणि उपमुख्यमंत्री फेक न्यूजची फॅक्टरी चालवत आहेत का?
सातत्याने खोट्या बातम्या पसरवून फेक नॅरेटिव्ह तयार करणे एवढेच एकच काम मुख्यमंत्री आणि उपमुख्यमंत्री पूर्ण वेळ करत आहेत. अगोदर राहुल गांधींनी आरक्षणाबाबत जे वक्तव्य केलेच नाही त्याबद्दल फेक न्यूज पसरवून आंदोलनाची नौटंकी केली आणि आता कर्नाटकात जे घडलेच नाही त्याबाबत फेक न्यूज पसरवून राज्यात धार्मिक तेढ निर्माण करण्याचा प्रयत्न सुरु आहे. राज्यातील जनता सुज्ञ असून तुमच्या फेक नॅरेटीव्ह सोबत तुमचेही सरकारही उखडून फेकल्याशिवाय राहणार नाही, असेही थोरात यांनी ट्विटमध्ये म्हटले आहे.
Comment List