निर्लज्जपणा..’; लालबागचा राजाच्या दर्शनाला आलेली अभिनेत्री या कारणामुळे होतेय ट्रोल
गणेशोत्सवात अगदी पहिल्या दिवसापासून लालबागचा राजाच्या दर्शनाला अनेक भक्त येत असतात. यात अनेक सेलिब्रिटींचाही समावेश असतो. 'माय फ्रेंड गणेशा' या चित्रपटातून घराघरात पोहोचलेली अभिनेत्री एहसास चन्नासुद्धा लालबागचा राजाच्या दर्शनासाठी गेली होती.
यावेळी तिने कॉटनची साडी आणि स्लिव्हलेस ब्लाऊज परिधान केला होता. तिचे फोटो आणि व्हिडीओ सोशल मीडियावर व्हायरल होत आहेत. मात्र एका गोष्टीमुळे नेटकऱ्यांनी तिला खूप ट्रोल केलंय.
एहसासने यावेळी डीप नेक ब्लाऊज घातला होता आणि यावरूनच नेटकऱ्यांनी तिच्यावर टीका केली आहे. 'निर्लज्जपणा.. गणपती बाप्पाच्या दर्शनाला असं कोण जातं', असा सवाल एका युजरने केला. तर 'आता गणपती दर्शनालाही ड्रेस कोड ठरवण्याची गरज आहे', असं दुसऱ्याने म्हटलंय.
गणपती बाप्पाच्या दर्शनाला असे कपडे घालून येतात आणि त्यांचा व्हीआयपी ट्रीटमेंट दिली जाते, अशा शब्दांत नेटकऱ्यांनी राग व्यक्त केला आहे. एहसास चन्ना ही 25 वर्षांची असून तिने लहानपणापासूनच विविध मालिका आणि चित्रपटांमध्ये काम करण्यास सुरुवात केली.
एहसासने वास्तूशास्त्र, कभी अलविदा ना कहना, माय फ्रेंड गणेशा, फूँक यांसारख्या चित्रपटांमध्ये बालकलाकार म्हणून काम केलं. तर देवों के देव महादेव, ओय जस्सी, एमटीव्ही फनाह यांसारख्या मालिका आणि शोजमध्येही ती झळकली. देवों के देव महादेव या गाजलेल्या मालिकेत तिने महादेवांची कन्या अशोकसुंदरीची भूमिका साकारली होती.
About The Author
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
Comment List