राष्ट्रवादी काँग्रेसच्या फुटीनंतर दोन गट पडले असून एक गट अजित पवारांसोबत, तर दुसरा शरद पवारांसोबत आहे. लोकसभा निवडणुकीवेळी दोन्ही बाजूने आरोप प्रत्यारोपाच्या फैरी झडत होत्या. मात्र लोकसभा निवडणुकीत जनता शरद पवारांच्या पाठीमागे उभी राहिली आणि राष्ट्रवादी काँग्रेस शरदचंद्र पवार पक्षाचे 8 खासदार निवडून आले, तर अजित पवार गटाचा एक खासदार निवडून आला. खुद्द अजित पवार यांची पत्नीही बारामतीतून पराभूत झाली. आता विधानसभा निवडणूक तोंडावर आली असून दोन्ही बाजूने एकमेकांवर जोरदार हल्ला चढवला जात असून खासदार अमोल कोल्हे यांनी अजित पवार यांचा खरपूस समाचार घेतला.
खेड-आळंदी येथील एका कार्यक्रमात बोलताना अजित पवार यांनी आमदार दिलीप मोहिते पाटील यांना मंत्रि‍पदाचे आश्वासन देत आता आपणच साहेब असल्याची टिप्पणी केली. याचा अमोल कोल्हे यांनी समाचार घेतला असून फक्त पक्षाचा अध्यक्ष झाला म्हणून कुणी साहेब होत नाही, असा टोला अजित पवार यांनी लगावला.
अजित पवारांवर टीका करताना अमोल कोल्हे म्हणाले की, महाराष्ट्रामध्ये फक्त दोनच साहेब आहेत. एक हिंदुहृदयसम्राट शिवसेनाप्रमुख बाळासाहेब ठाकरे आणि दुसरे शरदचंद्रजी पवारसाहेब. या दोघांनाच आमची पिढी तरी साहेब मानते. फक्त एखाद्या पक्षाचा अध्यक्ष होणे म्हणजे साहेब नाही.
केजरीवाल यांच्या जामिनावर शरद पवार यांची प्रतिक्रिया; म्हणाले, ‘देशात लोकशाहीचा पाया आजही भक्कम’
त्यासाठीचा सांस्कृतिक व्यासंग असेल, सामाजिक व्यासंग असेल, दुसऱ्याच्या जीवावर नव्हे तर स्वत:च्या कर्तृत्वावर उभे राहणे असेल किंवा संकट आल्यानंतर पळून न जाता संकटाला छातीवर झेलणे म्हणजे पवारसाहेब असणं आहे आणि हे माझ्यासारख्या लहान कार्यकर्त्याने अजितदादांनी सांगण्याची गरज नाही, असा टोलाही अमोल कोल्हे यांनी लगावला.
Comment List