शेअर बाजारामध्ये गुरुवारी दुपारनंतर अचानक तेजी आली आहे. मुंबई शेअर बाजाराचा निर्देशांक (सेन्सेक्स) जवळपास 1500 अंक उसळला आणि थेट 83000 पार पोहोचला. तर राष्ट्रीय शेअर बाजाराचा निर्देशांकानेही (निफ्टी) इतिहास रचला. निफ्टीमध्ये 500 अंकांची वाढ होऊन तो 25,429 या ऑल टाइम हायवर गेला. निफ्टी 50 मधील जवळपास सर्वच शेअरमध्ये मोठी वाढ दिसून आली आहे.
जागतिक बाजारातून सकारात्मक संकेत मिळाले. याचा थेट परिणाम हिंदुस्थानच्या शेअर बाजारावरही झाला. मुंबई शेअर बाजाराचा निर्देशांक सुरुवातीला 400 अंकांनी वाढला. तर निफ्टीनेही 100 अंकांची उसळी घेतली. मात्र दुपारी 3 वाजल्यानंतर बाजारात अचानक तुफान तेजी आली. सेन्सेक्स आणि निफ्टीने ऐतिहासिक झेप घेत नवीन रेकॉर्डची नोंद केली.
बातमी लिहिपर्यंत सेन्सेक्स 1520.59 अंक वधारून 83043 वर गेला, निफ्टीमध्येही 511 अंकांची वाढ होऊन तो 25422 वर पोहोचला होता. शेअर बाजारामध्ये अचानक आलेल्या तेजीचा फायदा गुंतवणूकदारांना झाला आहे.
लार्जकॅप कंपन्यांचे शेअरही तुफान वाढले आहेत. भारती एअरटेलचा शेअर 4.38 टक्के वधारून 1647 रुपयांवर, तर हिंडाल्कोचा शेअर 4.37 टक्के वाढीसह 676 रुपयांनी ट्रेड होत होता. यासह एनएमडीसीचा शेअर 4.35 टक्के, एलआयसी हाऊसिंगचा शएअर 4.03 टक्के, मॅक्स हेल्थच्या शेअरमध्ये 4 टक्के वाढ नोंदवण्यात आली.
तसेच एचडीएफसी बँक, एनटीपीसी, महिंद्र अँड महिंद्रा, अदानी पोर्ट, एल अँड टी, टाटा स्टील, कोटक बँक, एसबीआय, टेक महिंद्रा सारखे शेअरही जवळपास 2 ते 4 टक्के वाढले. यामुळे गुंतवणूकदारांना कोट्यवधींचा फायदा झाला आहे.
Comment List