महिलेच्या विनयभंगप्रकरणी एकाला अटक
रस्त्याने जात असलेल्या महिलेला पाहून अश्लील कृत्य करून विनयभंग करणाऱ्याला सांताक्रुझ पोलिसांनी अटक केली. संतोष अहिरे असे त्याचे नाव आहे. त्याला अटक करून न्यायालयात हजर केले होते. तक्रारदार महिला या विलेपार्ले येथे राहतात.
मंगळवारी रात्री त्या विलेपार्ले स्थानक येथून लाला लजपतराय रोडच्या दिशेने जात होत्या तेव्हा रस्त्यावर उभ्या असलेल्या एकाने महिलेला पाहून अश्लील वर्तन करण्याचा प्रयत्न केला. महिलेने फोन करून याची माहिती सांताक्रुझ पोलिसांना दिली.
त्या माहितीनंतर काहीच वेळात सांताक्रुझ पोलीस घटनास्थळी आले. पोलिसांनी अहिरेला ताब्यात घेतले. महिलेने दिलेल्या तक्रारीवरून पोलिसांनी अहिरेविरोधात गुन्हा नोंद केला. गुन्हा नोंद होताच त्याला पोलिसांनी अटक केली. अहिरेला अटक करून आज न्यायालयात हजर केले असता त्याला न्यायालयीन कोठडी सुनावली आहे.
About The Author
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
Comment List